無形既怒火同有形既火勢一樣，你唔知幾時會傷到人，或者傷到自己。
火會燒死人，憤怒會做錯事，所以控制係好重要。
戰爭其實係一個好理性既過程，殺邊個，唔殺邊個，點樣部署，每一個決定都需要深思熟慮。
一場戰爭，一方面係戰場上既槍林彈雨，一方面係戰爭之上政治既擺弄。今時今日香港人被暴政同黑警殺傷虐待，好多朋友覺得呢個時候仲講乜鳩道德，講乜鳩控制。
呢個諗法唔啱，因為一場政治鬥爭最殘酷既係，所有資源同手法都可以被利用，例如金錢，道德，甚至感情同性愛。所以抗爭運動唔係唔講道德，而係將道德當成一種資源咁去考慮，殺唔殺一個人，唔係道唔道德既二元問題，而係殺呢個人需要付出幾多道德同其他成本。
火燒藍絲，屠龍小隊會話唔值，我認同。認同唔係因為道德潔癖，而係咁樣做好似用一千蚊買條油炸鬼。道德作為一種資源，需要儲，而且珍貴，希望大家可以將果一千蚊用係正確既地方。
同埋唔好再成日話抗爭運動無道德底線，你可以咁樣做，但你唔可以咁樣講，歷史上我唔敢講每一場，但絕大部份既政治鬥爭，每一方都會極力爭取正義同道德既大旗，個玩法係，你可以殺人放火無惡不作，但你必須且一定要係一個善良光明既正派。
Search